Fyrsta bókun í Japan
January 25th, 2008 by webmaster
Japanir eru með eindæmum gestrisnir en ekki átti ég von á þessari þjónustu. Hótelið sem við vorum að bóka, Tokyo Park Hótel leggur mikið uppúr góðum nætursvefni og til þess að það megi lukkast sem best þá eru þeir með glæsileg Simmons rúm og sérsniðna kodda. Boðið er uppá mælingu og ráðgjöf við val á sem bestum kodda. Þetta er sko þjónusta sem ég ætla að nýta mér 
Annars er þetta hið mesta glæsihótel og með eitt stærsta “anddyri” ( e. atrium ) í Japan. Það er uppá 10 hæðir, frá 25 til 35 hæð. Hótelið byrjar ekki fyrr en á 25, en það er nokkuð algengt í hótelbransanum þarna fyrir austan ( pakka skrifstofum neðst og hótelum efst ).
Við erum að leggja lokahönd á skipulagninguna fyrir þessi tvö lönd. Eftir siglinguna um Karabíska og dvölina á Miami þá fljúgum við til Panama city og verðum þar í þrjá daga á hóteli við Panama skurðinn. Eftir það fljúgum við norður í land til David og keyrum uppí fjöllin. Þar munum við gista á kaffiplantekru rétt við Boquete. Þar verðum við í 4 daga og eigum örugglega eftir að gera fullt þar. Eftir þessa heimsókn þá keyrum við að landamærum Costa Rica nálægt karabísku ströndinni. Þar verður okkur hent út og látin labba yfir brú til Costa Rica eftir að hafa farið í gegnum tolla og landamæravörslu Panama. Þegar og ef við komumst yfir til Costa Rica þá þurfum við að fara í gegnum samskonar pappírsvesen en svo á að bíða okkar bíll sem tekur okkur til Cahuita. Ég er nokkuð spenntur að fara í þennan landamærapakka en líklega munum við stinga nokkuð í stúf með okkar risa ferðatöskur,barnakerru og alls konar dót innan um hardcore bakpokaferðalanga. Myndin er actually af umræddri brú.
